20首上海弄堂童谣，满满的童年味道

吃什么都拉，吃什么都不拉，肠胃不好怎么办？高博特盐水瓶调整肠道菌群失调，让肠胃更健康（本品不代替药物治疗作用）

又是一个六一儿童节，小编也没啥礼物送给大家，为大家献上二十首童谣，让我们一起回顾一下曾经的快乐生活。（用上海话念童谣更带劲儿哦~）

1新剃头

新剃头，打三记，

勿打三记触霉头，

打仔三记额角头。

2小老虫偷油

小老虫，上灯台，

偷油吃，下勿来，

咯碌咯碌滚下来。

3哭烛包

一歇哭，一歇笑，

两只眼睛开大炮，

一开开到城隍庙，

城隍老爷哈哈笑。

4梁山头浪一只羊

梁山头浪一只羊，远往松江粜米粮。

大斗量来小斗卖，升箩头浪养爹娘。

爹娘养我能长大，我养爹娘勿久长。

5笃笃笃卖糖粥

笃笃笃，卖糖粥，三斤蒲桃四斤壳。

吃侬个肉，还侬壳。

张家老伯伯辣辣??？辣辣海。

问侬讨只小花狗。

侬来拣一只。汪、汪、汪！

6小螺蛳

小螺蛳，真可笑，造房子，勿用脑。

前门造得圆又大，后门造得尖又小。

自己想想难为情，见人就拿门关牢

7“小丫头”歌

小丫头，勿成器，勿会做生活，看看真讨气。

叫伊淘淘米，揿脱仔饭箩底；

叫伊挽挽水，驳起屁股摸螺蛳；

叫伊拔拔葱，登拉田里竖烟囱；

叫伊纺纺纱，锭子头上开朵花；

叫伊绣绣鞋，好像鸡脚赖；

叫伊织织布，布机潭里撤堆污；

叫伊兜兜火，东家白话西家坐；

叫伊捉捉花，偷仔隔壁田里瓜

8山浪有只庙

山浪有只庙

庙里有只缸

缸里有只碗

碗里有只蛋

蛋里有个小和尚

嗯牙嗯牙要吃绿豆汤。

9赖学精

赖学精

白相精

书包惯了屋头顶

看到老师难为情

10摇啊摇

摇啊摇，摇到外婆桥，外婆叫我好宝宝。

糖一包，果一包，外婆买条鱼来烧。

头勿熟，尾巴焦，盛辣碗里吱吱叫，吃辣肚里豁虎跳。

跳啊跳，一跳跳到卖鱼桥，宝宝乐得哈哈笑。

摇啊摇，摇到外婆桥，外婆叫我好宝宝。

请吃糖，请吃糕，糖啊糕啊莫吃饱。

少吃滋味多，多吃滋味少。

摇啊摇，摇到外婆桥，外婆叫我好宝宝。

我叫外婆洋泡泡，外婆骂我小出老！

11上海闲话真有趣，称呼搭人家勿一样

上海闲话真有趣，称呼搭人家勿一样。

宝宝个妈妈叫姆妈，姆妈个姆妈叫外婆，姆妈个阿爸叫外公。

宝宝个爸爸叫爹爹，爹爹个爹爹叫老爹，爹爹个姆妈叫唔奶。

上海闲话真有趣，称呼搭人家勿一样。

18小三子

小三子，拉车子，一拉拉到陆家嘴。

拾着一包香瓜子，炒炒一锅子，吃吃一肚子，

拆拆一裤子，到黄浦江边脱裤子，

拨拉红头阿三看见仔，拖到巡捕房里罚角子。

13有趣个菜名

阿拉侪是上海人，上海闲话真好听。

菜场里向兜一圈，各种菜名讲得清。

白菜叫作黄芽菜，玉米叫作珍珠米。

莴苣叫作香乌笋，土豆叫作洋山芋。

西红柿，叫番茄，茄子茄子叫落苏，

还有交关好小菜，大家侪来寻一寻。

14鸡冠花蓬蓬开

鸡冠花，蓬蓬开，老鹰吃酒还勿来。

双羊灯，梅花灯，照仔老鹰回家门。

泥鳅讨老人，黄鳝勿相信。

蛤蜢去打听，长脚黄蜂挂红灯。

红头苍蝇吹喇叭，田鸡拉车搬桌凳。

喜酒摆辣田头埂，吃到半夜再散尽

15天上星

天上星，地上星，爷爷叫我吃点心。勿高兴，买糕饼，糕饼甜，买斤盐，盐末咸，买只篮，篮末漏，买升豆，豆末香，买块姜，姜末辣，买只鸭，鸭末叫，买只鸟，鸟末飞，买只鸡，鸡末喔喔啼，买只椠光梨。

26七字歌

地浪七块冰，台浪七盏灯，墙浪七只钉，树浪七只鹰，天浪七粒星。

乒——乓，踏碎地浪七块冰，扑——扑，吹灭台浪七盏灯，吭——嗨，拔去墙浪七只钉，呵——嘘，赶走树浪七只鹰，一朵乌云遮没天浪七粒星。连念七遍就聪明。

17从前有个老伯伯

从前有个老伯伯，

年纪活到八十八，

跑到八仙桥，

买碗八宝饭，

洋钿用忒八百八十八块八角八分八厘八毫.

18侬姓啥？

侬姓啥？我姓黄；

啥个黄？草头黄；

啥个草？青草；

啥个青？碧绿青；

啥个笔？毛笔；

啥个毛？三毛；

啥个山？高山；

啥个糕？年糕；

啥个年？

19XX年，倷姆妈养了个小癞痢。

19淘米烧夜饭

淘米烧夜饭，烧好夜饭吃夜饭，吃好夜饭乘风凉，

乘好风凉想一想，明朝起来买点啥？青菜萝卜大头菜。

20小热昏

说起来个希奇，啥个事体？上海个地方，大来个邪气。徐家汇朝南，龙华宝塔有名气。昨日夜里，出仔个事体，搿里个宝塔，拨贼骨头偷去。正巧拨拉，瞎子里个看见，哑子喊捉贼，拨聋子听见，拨疯瘫人捉牢，算伊晦气。捉牢仔个小贼，呒啥客气，拿伊送到，邮政局里。

免责声明：

本